Bakit Si Rizal ang Hero ko? - Ai

Bakit si Rizal ang Hero ko?

Sa tanong na yan, madalas na sagot ay, “Kasi binuwis niya ang kanyang buhay para sa bayan”

Hindi ba nandoon ang kagitingan ni Rizal? Sa pagiging nationalistic niya at pagkamatay niya para sa bayan? Idol ko din siya kasi binuwis niya ang kayang buhay para sa bayan.

Di ako plastik ah, idol ko si Rizal kaya siya ang Hero ko.

Eh bakit yung iba din namang bayani ah, nagbuwis din sila ng buhay para sa bayan?

Ikaw kaya barilin ng walang kasalanan? Hindi ba mas idol yun? (Pero ayokong mabaril ng walang kasalanan ha) Hindi pa nga sigurado matapos siyang barilin ay malaya na ang Pilipinas. Pero alam niya na ang pagbubuwis niya ng buhay ay magdudulot ng mabuti, alam niya na kapag namatay siya ay may pagbabagong mangyayari at buong puso niyang tinanggap ang sintensya sa kanya kahit alam niyang magiging masakit para sa kanyang magulang, para lamang sa mga taong napagbibintangan ng walang kasalanan  at para lamang sa bayan.

Isa pang rason,

Frustrated Writer ako, kaya idol ko din si Rizal kasi magaling siyang manunulat at hindi ko tinaglay yon (sana nga kahit konti man lang nakasalo ako nn biyaya sa pagsulat). Sa pamamagitan ng kanyang pluma ay naimulat niya ang mga kababayan sa katotohanan ng pangaapi ng mga Kastila. Sa pamamagitan ng pagsulat ay hinangad niya na magkakaroon ng mapayapang pamamaraan ang paghingi ng kalayaan mula sa mga mananakop. Hindi ko naman pinangarap na makapagsulat ng nobelang magdadala sakin sa hukay ko pero pinangarap ko na makagawa ng nobelang binabasa padin ng mga tao kahit nasa hukay na ako (siguro balang araw).

Kung tatanungin niyo ako kung may mga nagbabasa pa ba ng mga sinulat ni Rizal kahit hindi required sa school, at mayroon pa bang nakaka-appreciate, aba’y meron pa! Andami ko kayang nakita sa internet, andami kong nakitang arts at fan fictions na may kinalaman kay Rizal, sa Noli at Fili May mga kabataan padin sa ating bansa na tumatangkilik sa kanya at nagiging inspirasyon siya. Di naman nawawala ang dugong makabansa ng mga Pilipino.

Huli,

Bakit Hero ko si Rizal?

Dahil mahal niya ang bansang Pilipinas.

Lahat naman tayo ay  maaring matawag na Bayani. Sa panahon ngayon, hindi na nga natin kailagan mabaril sa Luneta para lang maging Bayani, madaming paraan at ang Una ay ang pagmamahal sa bayan. Kung lahat tayo ay mahal ang ating bayan at hindi naghahangad para sa sarili lamang, kakaunti siguro ang naghihirap, hindi sana ito matatawag na “Gates of Hell” at wala sigurong magtatangkang kunin ang kayamanan na para sa bansa. Pagmamahal lang ang hinihingi ni Inang Bayan, sino ba ang anak niya? Hindi ba tayo? Hindi ba’t tungkulin din ng anak na tulungan ang magulang, kapalit ng lahat ng ginawa nito para sa kanya?

Mahalin natin ang bansa gaya ng pagmamahal ni Rizal dito, hindi man tayo sakop ng mga Kastila sa ngayon tayo naman ay sakop ng ating mga sarili, hindi ballpen, papel, baril o itak ang sandata sa kalayaan, ito ay PAG IBIG. 

-Airis Karen Villaran