Bakit Si Rizal ang Hero ko? - Tin

Sa panahon ngayon pag sinabing bayani o 'hero' ang unang pumapasok sa isip ng mga tao ay ang mga bida sa mga komiks na may mga kapangyarihan gaya ng kakaibang lakas, abilidad para lumipad, mahika o kung ano pa man. Pag katapos lng nun nila maiisip ang mga totoong bayani na nagbuwis ng kanilang buhay para sa bansang minahal nila. Ang ideya kasi ng mga tao ay kapag ikaw ay bayani ay perpekto ka sa lahat ng aspeto at walang bahid ng kasalanan.

Kailangan ba na ikaw ay perpekto para maging isang bayani? Sa paniniwala ko ay hindi naman, gaya ng pinaka-hinahangaan kong bayani, si Jose Rizal. Alam ng lahat na hindi siya perpekto, ni hindi nga siya matangkad o malakas. Isip, pagkamalikhain, at pagmamahal sa kanyang bansa lang ang kanyang magagandang aspeto. Alam din ng lahat na nagkasala din siya noong nabubuhay pa siya, at sa mga hindi nakakaalam, babaero si Rizal. Saan ka nakakita ng bida sa komiks na babaero? Diba wala?

At sinong magaakala na sa pagsulat ni Rizal ng Noli me Tangere at El Filibusterismo ay magdudulot ng rebolusyon na magpapalaya satin sa mga espanyol? Malay ba natin na sinulat nya lang yun dahil sa kanyang galit sa mga espanyol na naghatol ng kanyang kamatayan.

Ipinakita ni Rizal na lahat ng ginagawa natin sa pang-araw araw ay may epekto sa lahat, maliit man o malaki, at hindi natin kailangan maging perpekto para maging isang bayani.

- Kristine Llevado